قصة هدم الاحلام بقلم هاني الضبع (رعب)

الجزء الاول

**

 

قصة / هدم الاحلام

***

**

**

تاليف/هاني ابراهيم الضبع

بسم الله الرحمن الرحيمانا\م:اسماعيل من محافظة البحيرة مركز ابوحمص انا سني 39 سنة والحكاية بدايتها من يوم ما اتعرض عليا قطعة ارض للبيع في احدي القري المجاورة

جاء لي سمسار اسمة الحاج خيري سمسار عقارات وقال ليا علي هذا العرض بصراحة
كان عرض مغري كانت قطعة ارض في حدود 250 متر بسعر خيالي فوافقت علي هذا العرض
واشتريت الارض وابتديت اتفق مع مجاول علشان ابنيها بيت ليا ولعيالي احسن من البهدلة في 

الشقق من شقة لشقة

وابتديت فعلا اجهز الطوب والاسمنت والرملة والظلط والحاجة بتاعت المباني وابتدا المجاول فعلا عملة وكنت معين غفير علي الحديد والاسمنت  الي بيفضل علي شان انا كنت ناوي ابني

 عمارة محترمة ولاكن مش عارف اية الي حصل حد زعل الغفير مني ولا اية الي حصل رحت تاني يوم ولا لقيت الغفير ولا لة اي اثر

انا قلت ممكن يكون معجبهوش الشغل ويعني ان بعض الظن اثم انا قلت ممكن يكون سرق حاجة 

ومشي ولاكن المقاول قالي مافيش حاجة نقصة والملابس والشيشة بتاعتة هنا كمان قلنا ممكن يكون في مشوار ولا حاجة استنينا يوم واتنين ولاكن لم ياتي فعينا واحد تاني مكانة وسلمناة المنطقة علشان مفيش حاجة تتسرق ونفس الي حصل للغفير الاول حصل مع التاني ونفس الحكاية مافيش حاجة ناقصة سئلت عنة علشان اعرف بيتة فين او ساكن فين لاكن معرفتش 

حاجة فكان ليا صديق قاعد من الشغل اسمة خميس فعرضت علية الموضوع هوا مكنش موافق ولاكن بعد كتر الكلام قلتلة انت صحبي ومش هتسيبني وانت هتخاف عليا احسن من الغريب فوافق بشرط انة هيخلي بالة من بعد الصنايعية ما تمشي لحد ما يجوا الصبح ومالوش داعوة 


بعد كدة بحاجة انا قلتلة ماشي وبدأ العمل بالفعل والحمد لله جيت اول يوم ولقيتة مازال موجود بس هوا مكلمنيش حتي قلتلة السلام عليكم مردش عليا السلام ومشي وجة في معادة واستلم الوردية وبردة من غير كلام مع ان الشخص دة كان بيحب الهزار والضحك جدا بس انا قلت 

ممكن يكون في مشاكل عندة في البيت ولا حاجة الله اعلم انتظم يوم واتنين وتلاتة وفجاة لقيت صحبي هوا كمان مشي وساب المكان استنيت انة يجي يستلم ولاكنة مجاش قلت لو مجاش بكرة ابقي ارحلة البيت وأشوفة ولم ياتي تاني يوم بالفعل فقررت اني ارحلة البيت فذهبت لة ورنيت 

الجرس فرد عليا صوت من الداخل مين برة انا قلت انا اسماعيل الصوت قالي اسماعيل مين انا قلت اسماعيل اومال فين خميس هوا هنا ولي لا رد عليا وقالي طاب ثانية واحدة وبعديها الباب اتفتح ودخلت جلست علي كنبة في الصالة ولقيت خميس جي عليا فواقفت اسلم علية ولاكنة 

كائنة مش شايفني وقعد علي الكنبة الي في وشي وقاعد ساكت مبيتكلمش انا قلتلة اية يا عم خميس مالك من يوم ما جيت الشغل وانت مستكبر علينا }يعني بفتح معاة كلام{ ولاكن متكلمش 

وبصلي بصة مش عارف اقول عليها اية بصة عتاب ولي بصة غل ولاكن دة صحبي ومرداش امشي من غير ما اعرف مالة المهم لقيتو واقف وقال لي لية عملت معايا كدة

قلتلة عملت اية قالي انت عارف عملت اية وجلس مكانة وقال انا عمري زعلتك في حاجة انت 

عمرك طلبت مني حاجة وقصرت معاك قلتلة في اية اية الي مزعلك مني دا انا صاحبك وعمري ما يرضيني زعلك انا كنت فكرك هتفرحلي وتساعدني ولاكن انت شكلك مش بتحبني رد عليا صوت من الداخل وقال لا والله يا ابني دا خميس بيحبك طول عمرة وبيشكر فيك ولاكن من يوم ما راح معاك وحالة مش عجبني فنظرت ناحية الصوت فوجدتها والدة خميس فقلت لها والله يا ح

اجة وخميس عارف انا بحبة قد اية فجاة خميس واقف وقال منا عارف انك بتحبني علشان كدة خلتني اروح هناك وانتي الي موديني بايدك رديت علية قلتلة تاني يا خميس هوا مين بس الي 
مزعلك وشوف انا هعمل معاة اية هوا المقاول زعلك في حاجة ولي حد من الصنايعية قال لا هوا 

انا شغلي معاهم هوا انت مخلي معيا حد في الشغل انا لوحدي طول اليل يا استاذ ومافيش غير حبايبك هما الي بيونسوني قلتلة حبايب مين قالي انت عارف قلتلة والله ما اعرف حاجة من الي

 انت بتقولة هوا في اية رد عليا وقالي يا صحبي لولا اننا اصحاب وخايف عليك وخايف علي مصلحتك مش زي ما انت بتقول اني مبخافشي عليك او مش بحبك كان زماني ماشي وسايب 

حاجتك من اول يوم بصيت لة باستغراب وقلتلة هوا في اية يا صحبي بصلي وعنية كلها خوف ورعب لدرجة اني حسيب برعشة في جسمي ساعت منظر ليا هذة النظرة  فهدي بعض الشئ 

وقال لي بجد انت مش عارف حاجة ولا بتداري علشان انا مزعلش منك قلتلة والله ما اعرف حاجة من الي مزعلك مني فضحك وقال لي طمنت قلبي شوية انا كنت حالف اني اخصرك طول عمري ومكلمكشي تاني ابدا فقلت لة بردة مقلتليش اية مزعلك مني قالي يا عم ولي يهمك 

مافيش حاجة مزعلاني ولاكن نصيحة مني بيع الارض ومتكملش عليها مباني وخليك زي ما انت انا قلت لة لا مش سايب الارض وعاوز اعرف اية الي حصل قالي يا ابني بلاش قلتلة لا قولي اية الي حصل قالي طلاما مصمم انت حر هقولك وابتدي كان قاعد علي الكنبة الي في وشي لقيتو 

قام وقعد جانبي وقال لي يا عم انت قلت ليا علي الشغل وانا مكنتش موافق ولاكن بصراحة كان نفسي اروح واكسب منها قرشين ورحت بالفعل وقعدت مكان الغفير وولعت علي الفحم وجيبت 

شيشة وبراد الشاي وظبط حالي علي السهرة وكان معايا راديو ومشغلة علي حفلة الست ام كلثوم وفجاة لقيت حاجة زي نار عند مكان الحديد قمت وجريت عندها ولاكن مافيش نار ولا 

حاجة لمست مكان الحتة الي كان فيها النار ولكنها باردة ومش سخنة رجعت مكاني لقيت الراديو علي ازاعة اجنبي والفحم طافي ولكني لقيت الشيشة مرصوصة وعليها الفحم والع مع اني مرصتهاش ولاكن قلت يا عالم ممكن اكون رصيتها ونسيت وحصل شوية حاجات تانية بس 

عادي فا انا قلتلة اية الي حصل تاني يا خميس  قالي وهوا بيضحك ضحكة مش عارف معناها يا عمي دا احنا لسة في اول يوم المهم قعدت وشربت حجر المعسل الي الله اعلم مين الي رصة وفجاة لقيت كئن في حد جاي نحيتي ولاكن محدش جة المهم ضحكت وقلت هوا المعسل فية 

حاجة ولا اية ولاكن قطع ضحكتي كلب ايوة كلب بس كلب كان شكلة غريب كانة هيموت في مكانة معضم وضعيف هزيل كدة لفيت مسكت خشبة وقمت اضربة ملقتهوش قدامي قلت يكون 
مشي كدة ولي كدة ولاكن اول ما سيبت الخشبة ظهر تاني ولكني سكت ومعملتش حاجة لقيتو 

لف حولين المكان كأنة بيبص علي حاجة او بيطمن علي المكان ومشي بعيد وقلت عادي كل الي بيحصل دة المهم اليوم خلص وجت العمال وسيبت المكان وانا مش عارف اعمل اية اروح تاني ولي لآ قلت لازم اروح علشان صحبي ميزعلش مني واكيد كل دة حصل علشان مش واخد علي 

السهر رحت البيت وفطرت مع انة كان عشايا مش فطاري ودخلت غرفتي ونمت نوم عميق جدا بس حلمت حلم غريب او زي ما كنت فاهم انو حلم حلمت بواحدة عجوزة وماسكة الكلب الي شفتة عند الارض وقربت ليا وهزتني وانا نايم وصحتني قلتلها انتي مين قالتلي ملكش دعوة 

واوعي تروح عند صحبك تاني انا قلت لية بصت ليا بصة مرعبة وقالت لي لو رحت هتعرف لية لسة هقلها طاب انتي مين سمعت صوت امي بتصحيني وبتقولي قوم يا خميس وقت شغلك قرب 

المهم قمت واخدت دش حلو واتوديت وصليت من الظهر لحد المغرب ولبست هدومي وتوكلت علي الله ورحت الشغل وزي اول يوم حضرت الشيشة والراديو والفحم وقعدت وقلت مش شارب 

معسل دلوقتي ولاكن بصراحة كنت خايف شوية ساعة اتنين تلاتة ومحصلش حاجة قمت لفيت علي المكان ورجعت نفس الحكاية الرديو علي نفس الازاعة بتاعت امبارح والشيشة مرصوصة والفحم والع عليها وانا مولعتش فحم من الاساس المهم قلت مش شارب معسل وزقيت الشيشة 

برجلي وقعدت حسيت بحركة من خلفي لقيت العمدان بتاعت البيت كانها اشخاص غريبة منها الطويل ومنها القصير ومنها الي اطول من العمدان بمسافة فيهم الي بيشاور عليا وفيهم الي بيضحك ومنهم الي بيصرخ ونظرتهم ليا نظرات مرعبة   بصيت وانا كلي خوف نحيتهم بس الكلب كان واقف قدام البيت بس المرة دي كان مليان شوية واطول كمان بس انا متاكد ان هوا هوا الكلب قرب نحيتي وبص عليا وبص علي العمدان او علي الاشخاص او الكائنات الي علي 

العمدان كانة بيحزرني اني مجيش هنا تاني وفجاة اختفي الكلب  واختفي الاشخاص الغريبة ورجعت في مكاني مصدوم ومش عارف اعمل اية بعيدت شوية عن المكان علشان اشوف حاجة غريبة من بعيد ولاكن مافيش حاجة غريبة  قلت اعوز بالله من الشيطان الرجيم ورحت مكاني 

تاني وبعد لحظات سمعت صوت نار بتاكل في حاجة بصيت حوليا لقيت نار رهيبة في المكان كلة حولت اعمل حاجة ولاكن فجاة لقيت الكائنات او الاشخاص الطويلة ظهرت من داخل النار وقربو نحيتي وفجاة حملوني علي ظهرهم وانا مش عارف اعمل اي حاجة صوتي مش عاوز يطلع مني 

ومش قادر اتحرك نهائي كاني اتشليت وحتي عنيا مش عارف احركها علشان الكلب كان واقف قصادي علي اكتاف بعض الاشخاص دي ونفس بصة الرعب هيا هيا بس فجاة ابتدي ينزل من عليهم ويمشي ناحية النار وطبعا انا عرفت اية الي هيحصلي هيرموني في النار نار رهيبة وقربو 

فعلا ناحية النار ولاكن الحمد لله ربنا الهمني بقرائة اية الكرسي وفجاة تحولو الي اشياء ضعيفة وتركوني ودخلو جوا النار وسكت كل شئ ولا في نار ولا في كائنات ولا في اي حاجة بعدها انا عاوز امشي انا خايف انا ربنا سترها معيا دلوقتي اومال لو كانو حدفوني كان اية الي هيحصلي 

بس قلت بلاش علشان صحبي ولازم اخاف علي حاجتة المهم عملت براد شاي وانا بتلفت حولين نفسي وشربت الشاي وانا ايدي مش عارفة تمسك الكباية من شدة الرعب الي انا فية ولاكن الكلب ظهر تاني ولف نفس اللفة بتاعت اول يوم ونظر ليا نفس النظرة وطبعا معرفتش اعمل اي حاجة

وكان نفسي الارض تنشق وتبلعني زي ما بيقولو ومشي بعيد عن المكان وانا كمان مشيت بعيد

 عن المكان لحد ما الشمس طلعت ووصل العمال علي خير ورحت بيتي والله مكلت ولي عرفت احط حاجة في معدتي وحتي حولت اني انام ولاكن مافيش نوم عاوز يجي ولاكن طبعا من التعب والارهاق نمت ويارتني ما نمت الست العجوزة جات تاني ومعاها الكلب ومعاها بعض الاشخاص 

او الكائنات الطويلة والمخيفة جدا بس في حاجة غريبة لقيتك معاهم ايوة لقيتك يا اسماعيل معاهم بس ملفوف عليك جنزيل وحوليك نار كائنك محبوس جواها وانت قاعد تضحك ضحك كتير جدا وفجأة سكت  وبصيتلي بصة كرهتني في نفسي كانك بتقولي انا مشغلك عندي علشان اعزبك 

وخليك عبرة للكون قطع نظرتك ليا صوت الست العجوزة وهيا بتقول لية انت مسمعتش كلامي اول مرة وانا جيت لك تاني وياريت متسمعش كلامي المرة دي كمان وكانت بصة وريا وكائنها 

بتقولي شوف اية وراك بصيت وريا وانا خايف حد منهم يعمل حاجة ولكني وجدت شئ شبة قبر مفتوح ومكتوب علية كلمة غريبة بخط قديم بيت خميس زهران بصيت للست لقيتها بتبعد هيا 


والي معاها لحد ما اختفو نهائي ونفس الحكاية لقيت الحجة بتصحيني وبتقول ليا اصحي يا بني وقت شغلك قرب وانا متاكد ان امي لو تعرف نص الي بيحصلي في الشغل عمرها ما هتصحيني 

لة ابدا قمت من النوم وصليت الي عليا ووصلت الشغل استلمت من العمال ووقفت بعيد عن الارض اه مني مخلي بالي ومني بعيد عنها اليوم دة العمال كانت فكت الخشب بتاع الصبة وركناة علي جنب في الشارع وفجاة وانا واقف حسيت بصوت غريب فنظرت ناحية الصوت حسيت ان الخشب بيهتز وفجأة وقف امامي وابتدي يترص سطور كانها بتتحداني وانا واقف مصدوم ومش 

عارف اعمل اية وفجاة كانها كلها بتتصاقط عليا وانا مش لاحق اجري منها وفجاة لقيت نفسي محبوس داخل دائرة مغلقة من هذة الالواح حولت اني اخرج ولاكن كانت مغلقة باحكام وبعد لحظات لقيت بعض الالواح تتباعد وحسيت بحرارة شديدة واصوات من الخارج وشفت نفس 

الست العجوزة والكلب اللعين !! بس اية دة اول مرة اشوف الست دي في الشغل يعني انا مكنتش بحلم !! وكائنها سمعتني وقالتلي ايوة مكنتش بتحلم وضحكت ضحكة مرعبة لدرجة ان الخشب تطاير واتكسر من هذة الضحكة المخيفة والمرعبة وانا مش عارف اعمل اية حولت اني اهرب ولاكن اهرب من اية بعد الخشب لقيت الاشخاص او الكائنات المخيفة عاملين دائرة اكبر 

من دائرة الخشب وشفت وراهم مش كلب واحد دا كلاب ومش اي كلاب كلاب غريبة الشكل فظيعة الملامح بمعني ان اقف احسن واستقبل مصيري وانا ساكت وفجاة وجة السيدة العجوز قد تحول الي وجة فظيع مخيف يعني منظر الكلاب اصبح يطاق عنهم وشورت عليا باصبعها فوجدت 

نفسي مقيد بدون شئ يقيدني وقربت نحيتي بعض الشئ وكتبت بضوافرها علي جسمي ابعد عن هنا (حتي بص شوف اهية الكتابة علي صدري علشان تصدقني ) سئلتها انتي مين وبتعملي لية كدة قالت ليا دي ارضي ومحدش يقدر يبني عليها وكان الي قبل صحبك اشطر ومعرفش يعمل 

حاجة في منهم الي مات ومنهم الي اتجنن ومنهم الي متعرفلوش مكان وبصتلي وقلتلي شوف انا وخداهم معيا شايف شايف اية الي بيحصلهم بصيت مكان ما بتشاور لقيت زي سلاسل من نار وفيها ناس كتير متكتفة ومحبوسة داخلها ولقيتك يا اسماعيل واقف قصادهم زي ما تكون مستني 


دورك سمعت صوتها تاني وسط اصوات متداخلة بتقولي انا هسيبك المرة دي ولاكن بشرط قول لصحبك انة يبعد عن ارضي ويهد الي عملة ويرجعها زي ما كانت (وبصلي خميس وقالي وانا عملت الي عليا وقلتلك علي الي هيا عوزاة المهم ~  خرجت من عند خميس وانا مش فاهم هوا 


اية الي بيحصل ممكن يكون كلامة صحيح علشان مافيش غفير قبلة واصل اكتر من يوم وممكن يكون بيخوفني علشان يعني مبعدش عنة ولا اية المهم انا لازم اكمل البيت واعيش فية انا واولادي والي فية الخير يقدمة ربنا


تم بحمد الله الجزء الاول