بطاطس جديدة من بواقي امبارح

المقادير:
2 بيضة
1\3 كوباية الكريمة الحامضة
1 كوباية جبنة شيدر مبشورة
2 ملعقة كبيرة جبنة رومي مبشورة
2 ملعقة كبيرة بصل أخضر
ملح وفلفل أسود حسب الرغبة
3 كوبايات بطاطس مهروسة

طريقة التحضير:
1- سخني الفرن على درجة حرارة 200 درجة مئوية
2- اضربي البيض وقلبيه مع الكريمة الحامضة فى وعاء غويط وحطي عليهم الجبن والبصل الأخضر
3- حطي الملح والفلفل على البطاطس وضيفيهم بعد كده للخليط وقلبيهم على بعض كويس
4- حطي الخليط فى قوالب صغيرة وما تمليهاش للآخر
5- حطيها فى الفرن لمدة 35 دقيقة أو لحد ما تستوي
6- طلعيها من الفرن وطلعيها من القوالب وقدميها