قصة هدم الاحلام الجزء الثاني بقلم هاني الضبع (رعب)

الجزء الثاني

**

 

قصة / هدم الاحلام

***

**

**

تاليف/هاني ابراهيم الضبع

بسم الله الرحمن الرحيم

السلام عليكم ورحمة الله وبركاتة

 انا اسمي م\اسماعيل طبعا اكيد في ناس منكم عرفاني وسمعت كلامي

وسمعت الي حصل لصحبي خميس وفي ناس لسة متعرفش حاجة نهائي علشان مسمعتشي اول كلامي المهم اني كتبت لكم بقيت احداث هذة الارض طبعا بعد ما صحبي وحبيبي خميس حكي ليا هذا الكلام والاحداث الي حصلتلة او الي هوا بيقول 

الي حصلتلة منعت اني اولي علي المكان غفر واجرات مخزن في بيت كان قريب من المكان والحمد لله بنيت عمارة مكونة من ستة ادوار وقلت اعيش انا واولادي في دور واجر الخمس ادوار الباقيين منهم يقدمو ليا دخل كويس ومنها ونس مبقاش لوحدي 

في العمارة دي كلها سكن معيا الحاجة خالد ومراتة في الدور الاول وطبعا علشان كبر سنهم ويعني كنت بقول عليهم دول بركة المكان وانا واولادي في الدور التاني  ومدرس اسمة الاستاذ فهمي في الدور الرابع ولسة فاضل تلات ادوار متسكنوش 

ووقفت علي كدة وعشت فيها انا وجيراني الجداد

ونسيت كل حاجة حتي كلام صحبي ليا وعدي شهر وشهرين وسنة والتانية وخلاص اتاقلمت علي العيشة وحياتي اتظبطت علي كدة ولاكن

في يوم سمعت خبط علي باب شقتي فتحت الباب لقيت الاستاذ فهمي الي ساكن عندي 

في الدور الرابع لقيتو بيديني ورقة وبيقولي انا اسف يا حج اسماعيل في ست عجوزة جاتلي المدرسة وعتيت ليا الورقة دي وحلفتني لوصلهالك انا قلتلة مين الست دي رد عليا وقالي والله معرف واستاذن ولسة هيخرج من الباب لقيتو بصلي وقالي اه نسيت يا حج اسماعيل انا وهيا بتديني الورقة سئلتها اقولة مين قلتلي خلية يسئل صحبة خميس وسبتني ومشيت حتي انا حاولت انادي عليها تاني ولاكن ملقيتشي ليها اي اثر

رجعت مكاني والمهم اني وصلتلك الامانة والسلام عليكم

وتركني ومشي اغلقت باب الشقة وانا مش عارف مين الست دي واشمعني يعني بتقول لفهمي خلية يسئل خميس بسرعة افتكرت كل حاجة افتكرت كلام خميس ليا والست الي كان حاكيلي عنها ولاكن ازاي بعد كل الوقت دة ممكن يكون كلامة صحيح 

وفي حاجة زي كدة تماسكت اعصابي وفتحت الورقة كانت ورقة عادية ولاكن كان مكتوب فيها كلمة غريبة بخط واضح (انا لقادمون) انا بعد مشفت الكلمة دي في الورقة ضحكت وقلت اكيد حد عارف الحكاية دي من الاول وبيحاول يخوفني من البيت 

وغير كدة انا مش لوحدي ومعيا سكان تانيين في العمارة تاني يوم وانا نازل علي السلالم وخارج لشغلي سمعت صوت الحاج خالد بينادي عليا لاكني كنت متاخر فا مشيت وقلت اما ارجع اشوفو عاوز اية ورجعت فعلا وخبتط علية الباب وفتح وقالي 

كويس انك جيت يا اسماعيل يا ابني اصل ليك امانة هنا في ست عجوزة سيبالك الورقة دي قلتلة ست مين قالي بتقولك اسئل نفسك واخدت منة الورقة وانا مش عارف اعمل اية اكيد نفس الكلمة مكتوبة تاني ولاكني ملقتشي نفس الكلمة لقيت مكتوب فيها كلام تاني

(وصلنا اليكم فاحظرونا) وسمعت صرخة عندي في شقتي رعبتني انا قلت حصل حاجة لاولادي جريت علي السلم وفتحت الباب بسرعة ولاكن مافيش اي حاجة اولادي 

بيذكرو والمدام معاهم وكل حاجة تمام ومافيش اي حاجة متغيرة قلتلهم سمعتم صوت حد بيصرخ من شوية بصولي وضحكو وقالو صوت اية احنا مسمعناش حاجة وعدي اليوم علي خير وبعد حوالي اسبوع وانا راجع من الشغل تصدق اني ادور علي البيت 

!!! يعني انا وصلت لمكان البيت ولاكن شفت الارض زي اول يوم اشتريتها فية تركت المكان وانا حاسس اني بحلم ومش عارف اروح فين فضلت ماشي افكر فين اولادي وفين الناس الي ساكنة معيا في العمارة طاب لو العمارة اتهدت طاب فين الناس وفين 

اولادي وفجاة وانا بفكر لقيت نفسي قدام العمارة ومش عارف ازاي ومتسئلنيش ازاي علشان انا مش عارف ازاي المهم طلعت اطمنت علي عيالي واخدهم في حضني 

سئلوني مالك يا بابا قلتلهم مافيش حاجة وجلست علي كرسي علي الصالة ولقيتني بقول لنفسي هوا في اية هيا الحكاية بصاحيح ولا اية وقطع تفكيري صرخة طالعة من 

جوة المطبخ فا جريت علي المطبخ لقيت مراتي واقعة علي الارض وفقدي الوعي حولت افوق فيها لحد ما فاقت وسئلتها في اية رديت عليا وقالتلي انا كنت داخلة 

المطبخ احضرلك العشا لقيت زي حاجة واقفة وريا انا افتكرتك انت الي واقف وريا بس حسيت بسخونة جامدة بصيت وريا لقيت واحدة عجوزة وحوليها نار كانت ممكن تحرقني وتحرق الشقة كلها انا قلتلها لا يا حبيبتي انتي بس بيتهيقلك علشان تلقيكي 

كنتي تاعبة نافسك في الشغل قلتلي لا والله انا متاكدة من الي انا بقولة وحتي دي قلتلي قولي لجوزك انا مش هسيبة مين الست دي يا اسماعيل ؟؟

انا قلتلها والله ما اعرفها وعمري ما شفتها في حياتي سمعت صوت مالي المكان كلة 

بيقول واحسنلك تبعد عن مكاني قبل ما تشفني علشان تعرف تعيش انا قلت بصوت عالي انتي مين انتي عاوزة مني اية ارحميني بلاش بيتي لو عاوزة اني اسيبة مش 

هسيبة دا بيتي وعمري ما همشي منة رديت عليا بضحكات مرعبة واصوات مخيفة ونار حوليا مليت المكان وحسيت ان البيت بيتهز تحتي ومش قادر اقف من شدة الهزة 

ووقعت علي الارض ومش قادر اقف علي رجلي ولاكن الشئ الوحيد الي شجعني اني احاول اقف واواجة كل هذة الاصوات والنار وهذة العيون المتواجدة في كل مكان في 

الشقة اني وجدت شئ عملاق و مخيف كأنة خارج من الجحيم واقف خلف زوجتي وبيشد فيها بعيد عني وهيا بتصرخ بتنادي الحقني الحقني قمت وحاولت اني امسكها ولاكن مقدرتش اتحرك من مكاني زي ما تكون رجل ملزوقة في الارض ومراتي كان 

ضهرها ليا وفجاة بصيتلي بنظرة مرعبة كأنها مش مراتي كأنها حاجة مرعبة انا خفت منها وبعد ما كنت رايح علشان اشدها او ابعدها من الشئ الي ورها بقيت عاوز ابعد عنها وعن المكان كلة حاولت اتذكر اي شئ من القران ولاكن كائني عمري ما حفظت 

قران في حياتي وبعد لحظات من التركيز تذكرت اية الكرسي فقرأتها وقررت قرأتها والحمد لله رجلي اتفكت من المسكة والاشياء ابتدت تتباعد من اماي ولاكن زوجتي 

بتبعد وتختفي من قدامي لحد ما اختفت نهائي جريت علي المطبخ ولقتها ملقاة علي الارض حولت افوق فيها تاني لحد ما فاقت سئلتها الاولاد فين قلتلي في غرفتهم جريت عليهم لقيتهم قاعدين علي السرير وباصين ناحية الشباك واول ما دخلت 

شافوني جم عليا جري وقالو شفت يا بابا شفت انا قلتلهم شفت اية قالولي النار يا بابا الي بتدخل من الشباك وواحد بيحلف لازم يخرجنا من البيت قلتلهم متخافوش واخدهم 

في حضني وطلعت بيهم في الصالة لاجد المشكلة الحاج خالد والاستاذ فهمي جالسين في الصالون واول ما شفوني وقفو وقلولي في صوت واحد اية الي بيحصل دة يا حج اسماعيل انا عطيت الاولاد لامهم وجلست مع فهمي وخالد وقلتلهم هوا اية الي 

بيحصل قال الحاجة خالد يا ابني انا بقالي يومين حاسس ان في حاجة غريبة في الشقة انا قلت حاجة اية يا حج خالد قالي انا لو في الصالة وقاعد شوية القي نفسي برة الشقة والحكاية دي حصلتلي حوالي تلات مرات وفي مرة منهم وانا داخل الشقة 

الست دي عطتني الورقة ومن بعديها وانا حاجات ياما بتحصل ومش عارف ليها معني رد علية الاستاذ فهمي وقال وانا كمان من يوم ما شفت الست دي وانا حالي مش عجبني انا قلتلة اصبر انت يا استاذ فهمي وسيب الحاج خالد يكمل كلامة بصلي 

الحاج خالد وعنية كلها دموع وقال لي

 يا ابني انا راجل عجوز ومش حمل الي بيحصلي دة انا جيتلك علشان شقتي كانت مولعة عليا كلها وفي عيون بصالي في كل مكان وكل شوية النور يقطع عليا ولاقي في عالم قاعدة معيا في الشقة الي بيتكلم والي بيضحك والي بيصرخ والي بيقلي لازم 

تخرج من بيتي يا كدة  يكلة هيتهد عليكم وفجاة انهار في البكاء كانة طفل صغير وقالي قلي يا ابني في اية اية الي بيحصل لنا دة لقيت الاستاذ فهمي وقف وقال لا دا انا لازم اقول يا اما مش عارف هيحصل لنا اية كلنا قلتلة تقول اية يا استاذ فهمي في 

اية تاني قالي يا حج اسماعيل انا قبل شقتي في شقة فاضية  قلتلة اه الدور التالت

قالي هوا الدور التالت انا كل يوم وانا طالع القي شخص غريب قدام الشقة دي يوم 

اطلع القي الشقة كائنها متوضبة ومتشطبة وفيها كل حاجة حلوة ويوم تاني احس انها مهجورة ومخيفة لدرجة اني بعدي اجري لما بوصلها يوم اسمع فيها موسيقي وناس بترقص ويوم تاني اسمع فيها ناس بتصرخ واخر يوم قبل موصلها سمعت صوت 

صراخ وخبط وناس طالعة منها كلها دم ايوة دم وفجاة الناس دي زي ما تقول اتقطعت قدامي كان حد بيقطع فيهم وانا ببص عليهم لقيت الناس دول احنا احنا يا استاذ اسماعيل  اللي ساكنين في العمارة المهم طلعت شقتي ولقيتها قاعدة جوة ايوة لقتها 

قاعدة وقلتلي وعنيها كلها شر ومضئه بضوء مخيف مش نور ابيض ولا احمر دة نور اسود كانها الجحيم زات نفسة واصوات من حوليا وعيون بتبصلي في كل مكان وكلاب انا شفت في شقتي ولا مئة كلب كانو هيكلوني حولت اخرج ولاكن الباب مبيفتحشي 

فجاة لقتها صرخت بصوت عالي وقالتلي عايز تهرب هتروح فين كلكم لازم تخرجو ولازم تهربو وقبل ما تمشو قلهم لازم يهدو الي عملوة لازم تهدو البيت ومش هسيبكم غير لما تهدوة وضحكات مرعبة واصوات مخيفة ونار حوليا في كل حتة و اول  ما 

سابتني  نزلت عليك وقولي اية الي بيحصل قول يا استاذ اسماعيل المهم قلتلهم علي كل حاجة من اول غفير لحد اللي حصل ليا انا ومني مراتي واولادي وبعد ما خلصت كلامي سمعت صوت الجرس فا قمت اشوف مين والمفاجأة لقيت خميس صحبي 

ووراة الحاجة رتيبة مرات الحاج خالد وبدون اي كلام دخلو الشقة وقعد خميس وقعدت الحاجة جمب الحاج خالد ودخلت وراهم وقلت لـ خميس  اخيرا افتكرت ان ليك صاحب تسئل علية بصلي وقالي لو عليا انا معتش عاوز اعرفك ولا اسئل عليك ولاكن 

من يوم ما سيبت الشغل وانا حياتي في جحيم ومنك لله انت السبب قلتلة بتقول لية كدة قالي علشان انت مسمعتش كلامي وهديت البيت وانا الي جايبني عندك دلوقتي انها جاتلي وقلتلي لو مجتشي هتولع فيا وفيكم وهتدخلني بيتي الجديد عارف يا اسماعيل اية هوا بيتي الجديد دة القبر الي كان مكتوب علية اسمي طبعا انا حكيلك علية وقالت 

مش هتسيب حد فينا كلنا اللي وهتدخلة نفس البيت وبعد لحظات من الحديث النور قطع وحدث في المكان هدوء فظيع هدوء يخوف محدش فينا بيتكلم نهائي زي ما بيقولو هدوء ما قبل العاصفة وجائت فعلا العاصفة يعني لو اقول اني بحلم مكنتش 

هصدق الحلم لانة شئ ولا يتصدق في واقع ولا يتصدق في حلم جيوش من الكلاب كلها شكل واحد كلاب سوداء ضخام الجسم خارج من افواههم رائحة لا تطاق وبعد هذة الكلاب ناس شكلها غريب شكلها كدة من اكلي لحوم البشر ونفس السيدة العجوز ماشية في نص هذة الكائنات الغريبة من البشر  الكلاب (بس في حاجة انا شقتي عمرها ما تكفي كل دة)

ونفس الحكاية كائنها سمعتني وقلتلي ايوة انت مش في بيتك وعمرة ما كان بيتك في يوم من الايام دي ارضي انت شايفها واضائت المكان بس مش بنور بنار بنار فظيعة ووجدت نفسي انا واللي معيا في الارض زي اول يوم شفتها فية وجلست علي كرسي 

مش عارف اوصفة ازاي كرسي مليئ برؤس الافاعي قلتلي انا مشيت لك اول غفير وتاني غفير علشان تفهم ولاكن مفهمتش جيبت صحبك واذيتة في المكان ولسة الكلام محفور علي صدرة وحكالك كل حاجة وبردة مصدقتش وكملت البيت سيبتك سنة 

واتنين علشان تبعد وتهد المكان ولاكن دون جدوي وانا بقولك لازم تهد البيت وترجع الارض زي ما كانت انا قلت ازاي ولية قلتلي ازاي فبرضاك او غصب عنك هتهده ولية علشان دة مكاني ومافيش غيري هيعيش فية وبعدها سمعت اصوات مالية المكان من ضحكات وصرخات ونباح ونار تحيط بينا من كل جانب ثم تباعدت عنا لحد ما 

اختفت نهائي وبعدها اضئ النور ووجدت نفسي في شقتي انا واللي معيا لقيت الحاج خالد ومراتة مغمي عليهم فحاولت افوق فيهم لحد ما استردلهم الوعي ثم قال لي استاذ فهمي ممكن يكون عمل انا عارف شيخ ممكن يقدر يحل لنا المشكلة دي فورا ذهبنا لهذا الشيخ وحكيت لة كل حاجة قالي ان شاء الله وربنا يعمل اللي فية الخير 

ووصل معنا لحد البيت وجلس في اول دور وسئلني مين اللي ساكن هنا قلتلة الحاج خالد قالي لو سمحت ابعتهولي طلعت شقتي ونزلت الحاج خالد للشيخ وقالي لو سمحت اخرج يا استاذ اسماعيل فخرجت ووقفت برة وسمعت صوت الشيخ بيقرا بعض ايات القران ويسكت ثم يقرا ايات اخري من القران ويسكت وفجاة حسيت بهزة جامدة في البيت كلة فخرجت خارج البيت ووجدت شئ ضخم  واقف امام البيت من 

ضخامت هذا الشئ لا اري البيت من خلفة قدمة كقدم الحيوانات ولة انياب  كبيرة ووجهة شبية لوجة الغول  ونظراتة ليا كانت نظرات غضب و تحظير ثم قال لي انا ممكن اهد البيت باللي فية من قبضة واحدة ولاكن لازم انت الي تهدة زي ما بنيتة 

وحسيت وهوا بيتكلم انة بيضعف بعض الشئ وبيتحرك ثم اختفي ودخلت البيت ولقيت الشيخ خارج من شقة الحاج خالد ووشة مليان عرق كائنة كان بيجري او بيشتغل في الفاعل ولسة هطلعة الدور التاني فقال لي لا ونصيحة يا ابني هد البيت وارحل بعيد 

وسبني ومشي انا اخدت اولادي وتركت العمارة وشفت شقة برة وقلت اعيش فيها انا واولادي ولاكن حلتنا زي ما هيا وكل يوم الست العجوزة بتيجي ليا ولعيالي وكررت فعلا اني اهد البيت وارجع الارض زي ما كانت ويارب الناس تنسي واقدر ابيع الارض واشتري بيت تاني اعيش فية انا واولادي

تمت بحمد الله